نعظم مصطفانا ...... محبتو بس كفانا
ده حب الماحي فيهو عافياتنا وشفانا
***
يوم ميلادو كانت بشاير الحق جليه
وبيهو الدنيا زانت بقت ناظرة وبهيه
بحيرة ساوا غاضت تهدد عرش كسرى
نفوس بالبهجة فاضت وبعد العسر يسرا
***
ساعة الارض حرت اظلته الغمامة
وليهو العجفة درت وباضت له الحمامة
مابنعلي قدرو بمعجزة او علامة
لانو الكون بأسرو بيهو سما وتساما
***
حبيبنا النورو بدد حيرتنا وظلاما
كتير في الغار تعبد قبل عهد الاماما
زهد في الدنيا باعا وكانت بين ايديهو
هجر زادها ومتاعها وطلب اخرة وليهو
***
اذا الشمس في يمينو واذا القمر في يسارو
مابساوم في دينو ولا بغير مسارو
حبيب الحي دائم نبي الامة ورسولا
صلاتنا عليك غمايم مدى الازمان هطولا
ليست هناك تعليقات:
إرسال تعليق